බෙදුම් වාදී ත්‍රස්තවාදය තුරන් කොට වසර දහතුනකට පසු, ඊයේ අරගල බිමේදී කුරිරු යුද්ධයෙන් මියගිය සහ අබාධිත වූ ශ්‍රී ලාංකිකයින් වෙනුවෙන් සියලු ආගමික පුජකයින් ගෙන් මුලිකත්වයෙන් පුන්‍යයෝත්සවයක් සිදු කරන ලදී.
2009 වර්ෂයේ මැයි 18 ශ්‍රී ලංකාවට ඉතා වැදගත් දිනයක් ලෙස ඉතිහාස ගතවී අවසන්ය. ඒ මහින්ද රාජපක්ෂ ප්‍රධාන කොටගත් රජය විසින් බෙදුම් වාදී ද්‍රවිඩ ත්‍රස්තවාදය පරාජය කොට බෙදුම් වාදය ශ්‍රී ලංකාවෙන් තුරන් කළේයැයි ජාතියට සහ ජාත්‍යන්තරයට හඬ නගා කීමයි.
බෙදුම්වාදය රටපුරා ප්‍රචලිත කරමින් තරුණ, මහලු සහ ළමා ජිවිත දස දහස් ගණනක් බිලිගනිමින් තම දේශපාලන අවශ්‍යතා ඉටු කරගන්නා දේශපාලකයින්ට අරගල බිමේ තරුණයින් ඉතා වැදගත් පාඩමක් කියා දුන්නේය.
ඒ බෙදුම්වාදය නැවත කිසිදා ඇතිනොවන සේ එකමුතුකම වපුරා දැමීමයි.
අද දවසේ තාරුණ්‍යයේ මේ අභීත, නිර්භීත භාවය ලොවපුරා විසිරි ඇති ශ්‍රී ලාංකිකයින් සියලු දෙනාම නොපිරිහෙලා අගය කල යුතුය.
නැවත වතාවක් මිනිසුන් ජාතින් වශයෙන්, ආගම් වශයෙන් බෙදා වෙන්කොට දේශපාලන වාසි ලබා ගන්නා කුහක දේශපාලකයින්ට මෙය ඇතුල් පහරක් වෙනු ඇත.
You may also like
Add comment