දානය, දීම සහ ආසාවල් අත්හැරීම වටා එතුණු ආගම ධර්මය අදහන ශ්‍රීලංකාවේ බහුතරය දීමෙන් තමන් නැත්තටම නැති වී යන්නට වෙයි දෝ භීතියෙන් දීම, දානයෙන් ඈත්වී බොහෝ කල් බව අපි සියල්ලෝම දනිමු. බොහෝ අය දානය දෙන්නේද යමක් පතා හෝ යම් බලාපොරොත්තුවක් යටි හිතේ තැන්පත් කරගෙනය. සියයට 99ක් ම ශ්‍රී ලාංකිකයින් දානයෙන් තමනට වැඩි වැඩියෙන් ලැබේවි යන මානසිකත්වයෙන් ම දානයට සහභාගී වේ.
මෙයට ප්‍රතිගාමි මතයක් දරමින් අරගල බිමේ බිහිවූ “උදව් අල්මාරිය”, අද අප දකිනා දේශපාලන සහ ආර්ථික අරගලයට එහා ගිය, ජයග්‍රහණය නොපෙනන මානයේ ඇති අරගලයකි.
වසර ගණනාවක් තිස්සේ ශ්‍රී ලාංකිකයින් බෙදා වෙන්කොට ඔවුන් අතර සාමාජිය ගැටළු ඇතිකරමින් ඉන් තම මල්ල පුරවාගත් දේශපාලකයින්ගේ සිතුවිලි වලට ප්‍රතිවිරුද්ධ වූ සිතුවිලි කරලියට ගෙන එන මෙම අරගල භුමියේ, දිනාගැනීමට අතිශයින් දුෂ්කර අරගලකට අතපොවන්නට මේ තරුණයින් නොපසුබට වී ඇත. ලාංකිකයින්ගේ සිතුවිලි වෙනස් කිරීම තරම් අපහසු ක්‍රියාවක් මේ මිහිපිට ඇතැයි මම නොසිතමි.
රටේ පොදු ගැටලුවලදීත්, තමනට පෞද්ගලිකවම බලපෑ ගෑස්, ඉන්ධන වගේ ගැටළු විසඳා ගැනීමට වත් අරගලයට නොපැමිණි ජනතාවගේ සිත් සතන් වෙනස් කිරීම මේ තරුණයින්ට කොතරම් අපහසු කාරියක් වනු ඇති ද?
ප්‍රථමයෙන්ම මෙම සත්ක්‍රියාව ආරම්භ කල සියල්ලන්ට ම අපගේ සුභ පැතුම් ප්‍රණාමය කල යුතුය.
දෙවනුව ඔවුන් හා එක්ව කටයුතු කරන්නට නොපසුබටවූ නිහඬ අරගල කරුවන්ට අපගේ ප්‍රණාමය හිමිවිය යුතුය.
උදව් අල්මාරිය බොහෝ කලක සිට ශ්‍රී ලංකාවට නැතිවම බැරිව තිබු අල්මාරියක් බව කිව යුතුය. ඉන් අපට අනවශ්‍ය බඩු බාහිරාදිය ඒවා නැති වුන්ට ලබාදිය හැකිවාක් සේම අපට අවශ්‍ය යම් දෙයක් ඇතිනම් මෙම අල්මාරියෙන්ම ලබාගැනීමට හැකි වීම මෙහි ඇති විශේෂත්වයයි.
මෙම අල්මාරියට භාණ්ඩ සැපයීමට හෝ භාණ්ඩ හුවමාරු කර ගැනීමට අරගල භූමියට යා හැකි අතර පහත නම් සඳහන් අරගලකරුවන් ඇමතීමෙන් වැඩි විස්තර ද ලබා ගත හැක.
මනුර 0776282559, ප්‍රභාත් 0704058059, රිෂාදි 077658 4684, හෝ ඉවන්ත 0764266671
Add comment