ජනාධිපති ගොටාභය විහිළුවක් වී අවසානය, රාජපක්ෂ පවුලම මහා විහිළුවක් වී ඇති සමයක රනිල් දුවවිත් අගමැති කම භාරගත්තේ හදිසියෙවත් හිස්වීමට ඉඩ ඇති ජනපති පුටුවේ වාඩිවීමේ අභිලාෂයෙන් ද? ගෝටා පත්කළ නව අගමැති ආර්ථිකයේ අවදානම ගැනම මිස රට දියුණු කිරීමට කිසිඳු වැඩපිළිවෙලක් නොමැතිව තුෂ්නිම්භූතව විකාර දොඩමින් සිටි. රනිල්ගේ අතීතය ගැන අපි සියල්ලෝටම හොඳින් මතකය. බටලන්දේ ශිෂ්‍ය ඝාතන වලට මුලිකවූ අගමැති දැන් අලුත්ම වැඩ පිළිවෙලක් ක්‍රියාත්මක කරමින් සිටි. ඒ අරගලයේ තරුණයින් දඩයම් කිරීමේ ක්‍රියාවලියයි. තරුණයින් ඝාතනයේ නිර්මාතෘ වූ රනිල් තවදුරටත් අගමැති පුටුවේ සිටීම මුළු මහත් ජාතියටම කරන අවමානයක් ය.
තෙල් නැතිව රටම අඩපන ඇතිවී මොහොතක, ගෑස් නැතිව කිසිවක් උයා පිහා ගත නොහැකි මොහොතක, රටවෙනුවෙන් පාරට බැස පොදු මහජනතාව වෙනුවෙන් කෑමොර දෙන තරුණයින් දඩයම් කිරීම, ඔවුනට තර්ජන ගර්ජන කිරීම පාලකයිගේ බියසුලු බව මුළු මහත් ජාතියකටම පෙන්වාදෙන අවස්ථාවකි මේ.
මේ මොහොතේ ගෝටාභය, රාජපක්ෂ පවුල සහ නව අගමැති ඇතුළු අමාත්‍ය මණ්ඩලයම පඹයින් වී අවසානය. අවුනට කල හැක්කේ මේ බියගුළු ක්‍රියා පමණකි.
එහෙයින් දැන්, ශ්‍රී ලංකා වාසී සියලු දෙනාම මහා මගට බැසිය යුතු කාලය එළඹ තිබේ. ජනතා අරගලයට එකතු වීමට කාලය එළඹ තිබේ. බියගුළු නායකයින් අන්දසිටිනා වස්ත්රද නොමැතිව මහපාරේ දැක්කීමට කාලය පැමිණ තිබේ.
මේ ඔබේ වාරයයි, ඔබේ අයිතීන් වෙනුවෙන් නැගීසිටින අරගල කරුවන් සමග එකතුවී මේ මහල්ලන් පන්නා දැමීමට මේ කාලයයි.
Add comment