“ජන බලය”, රටක අනාගතය තීරණය කල හැකි, අපිට නොදැනෙන අපේ බලය උරගා බැලූ මොහොතක්.
ජූලි 9 ශ්‍රී ලංකා වාසී මිලියන 22කට ආසන්න මහජනතාවගෙන් ඉතා සුළු ප්‍රමාණයක් ගාලුමුවදුර පිටියට පැමිණ ඉතිහාස ගතවන දිනයකට සටහන් තැබීම ඉතා සාර්ථක ලෙස නිමාවිය.
අරගලයේ එකම එක නාමික ඉල්ලීමක් සඵල කරගැනීමට ඒ අවස්ථාව අපට උදා කරලීය. ඒ ගෝඨා එළැවීමය, රටිනුත් එලවා දැමීමය.
දිනා ගැනීමට බොහෝ දෑ ඇතිබව ඉන් සතියට පසු අප සියල්ලන්ටම නැවත සිහිපත් කරවමින් රනිල් ජනාධිපති තනතුරේ වැඩ භාර ගත්තේය.
අද ශ්‍රී ලංකාවේ උද්ධමනය පහලට නොව ඉතා සීග්‍රයෙන් ඉහල යමින් පවතී, එමගින් දිළිඳු ජනතාව අතරට එකතුවෙන පහල මධ්‍යම පාන්තිකයින්ගේ සංඛ්‍යාවද දිනෙන් දින ඉහල යමින් පවතී. මේ අතර අන්ත දුක්ඛිත තත්වයේ පසුවෙන ඉතා දිළිඳු පවුල් දරිද්‍රතාවයේ චන්ද මාරුතයට හසුවී ගසාගෙනු යනු අපට දකින්නට හැකිව ඇත. ඉහල මධ්‍යම පාන්තිකයින් ඔවුනටත් නොදැනීම පහල මධ්‍යම පාන්තිකයින් ගේ තත්වයට ලිස්සා යනු ඇත.
මේ අතර අපේක්ෂා භංගත්වය හේතුවෙන් රට හැර යන්නන් සහ ජිවිතය පරදුවට තබා කුඩා මුහුදු යාත්‍රා වලින් එතෙර යන්නන්ගේ සංඛ්‍යාවද ඉහල යනු වලකාලිය නොහැක. සෙමෙන් ලෝකයේ උතුම් රට යැයි කියූ ශ්‍රී ලංකාව, ලෝකයේ දිළිඳුම රට බවට පරිවර්තනය වෙනවා ඇත.
රජයේ රැකියාවල නියුතු ස්ථිර වැටුපක් ලබමින් නිදහසේ ජීවිතය ගතකල බොහෝ දෙනෙක් අද නානාප්‍රකාර පෝලිම් වල දින ගණන් ගතකිරීම හේතුවෙන් රජයට ලැබිය යුතු රාජ්‍ය සේවක ශ්‍රමය ඉහලට දිශාවකට නොව තව තවත් පහල දිශාවටම ගමන් කිරීම වැළක්විය නොහැකිවෙනු ඇත.
පාසල් නිසිකලට නොපැවැත්වීමේ හේතුවෙන් අධ්‍යාපනය අනාගතයේ එකම කඩයිම වූ පවුල් වල ඉහල අධ්‍යාපනයට සුදුසුකම් ලැබිය යුතු දු දරුවෝ අනාගයේ ඉදිවන පවුල් සංස්ථාවේ මුල්‍ය ඉපයන්නන් නොව අතරමන් වුවන්ගේ සංඛ්‍යාවට ගැනෙනු නොවැලක්විය හැකිය.
ආර්ථික අර්බුධය හේතුවෙන් පවුල් සංස්ථාවේ බිඳවැටීම් දරුවන්ගේ ජීවිතවලට වන බලපෑමේ හේතුවෙන්, රැකියා විරහිත අසහනයෙන් පිරුණු මන්ද බුද්ධික අනාගත පරපුරක් අපට හිමිකර දෙමින් මේ පාලකයින් ශ්‍රී ලංකාව අතැර දමා මෙතෙක් ජනතාවගෙන් සොරකම් කල මුදල් සම්භාරයද රැගෙන විදෙස් ගතවෙනු නො අනුමානය.
තෙල් පෝලිමේ, ගෑස් පෝලිමේ සහ එදිනෙදා නොයෙකුත් කරදර බාදක මධ්‍යයේ දින සති ගෙවා දමන ඔබ, මොහොතකට හෝ නැවතී හෙට බිහිවෙන රට ගැන නොසිතීමෙන් ඉහතකී සියල්ලම එලෙසින්ම සිදුවීමට ඉඩහරිනු ලබන අතරම එහි වගකිමෙන්ද ඔබට මිදී යා නොහැකිය. මේ කරුණු පිලිබඳව ස්වබුද්ධියෙන්ම තර්කානුකුලව සිතා බැලීමට කාලය දැන් පැමිණ තිබේ. අද කලයුතු දෑ පසුවට කල් දැමීමෙන්, දිනෙක වියපත් වෙන ඔබටද එහි අනිසි පල විපාක විඳීමට සිදුවෙනවා ඇත. එවිට පසුතැවිලි වීමෙන් ඔබට කිසිඳු පලක් ඇති නොවෙනු ඇත.
Add comment