මේ ජනතා අරගලය නිසැකවම ජයග්‍රහණයෙන් නිමවනු ඇත – ඉතින් ඊට පස්සේ?

සැබවින්ම අරගලකරුවනි, ඔබලාගේ දිරිය, දිවිහිමියෙන් කැපවීම, මානව දයාව සහ නොපසුබසින අධිෂ්ටානය ගැන අපට ඇති විශ්වාසය නිසාම අපි ඔබට කියමු. අතට හිතට මෙන්ම ඔලුවටත් කන්දෙන්න. අරගලයෙන් 225 පලවා දැමු පසු, යම් කාල පරාසයන් තුල කඩිනමින් ජනතාවට ලබාදිය යුතු අරගලයේ අපේක්ෂිත ජනතා ජයග්‍රහණයන්  කිහිපයක් –

• 21 වෙනි සතවර්ෂයට ගැලපෙන නව ව්‍යවස්ථාවක් දින 21 තුලදී සම්පාදනය කොට ජනමත විචාරණයකට ඉදිරිපත් කිරීම
• රජය නිරාගමික වීම – කිසිදු ආගමකට හෝ ආගමික නායකයෙකුට වරප්‍රසාද පිරිනොනැමීම
• රට පිළිගත් ජනතා නියෝජිතයින්, උගතුන්, වියතුන්, සියලුම ආගමික නායකයින් සහ ලෝකය දිනියහැකි ව්‍යාපාර කරුවන්ගෙන් සැදුම්ලත් ව්‍යවස්ථා මණඩලයක් පිහිටුවා අගමැති ඇතුළු සියලුම පාර්ලිමේන්තු නියෝජිතයින් ව්‍යවස්ථා මණඩලයේ අධීක්ෂණයට හා නිරන්තර විපරමට ලක්කිරීමට ව්‍යවස්ථාවෙන්ම ප්‍රතිපාදන ලබාදීම
• රජය, රටේ ජනතාව කතා කරන/ලියන කියන ඕනෑම  භාශාවකින් ගනු දෙනු කිරීමට බැදී සිටීම
• සියලුම පුද්ගලික මාධ්‍ය ආයතන රජයේ දේශපාලන හස්තයෙන් මුදවා, විශේෂයෙන්ම රජයේ මාධ්‍ය ආයතන ව්‍යවස්ථා මණඩලයේ අධීක්ෂණයට හා නිරන්තර විපරමට ලක්කිරීමට ව්‍යවස්ථාවෙන්ම ප්‍රතිපාදන ලබාදීම

රට සාධනීය දිශානතියකට යොමුකල හැකියයි අප සිතන මෙම මුලික වෙනස්කම් මාස 6 වැනි කෙටි කාලයක් තුල ඉටුකිරීමට විභවයන් ඇතිව සිටීම අරගලයේ ජයග්‍රහණය නිසැකවම ජනතා ජයග්‍රහණයන් කරා ගෙන යාමට ඉවහල් වනු ඇත.

STRUGGLE – a hard fight in which people try to obtain or achieve something, especially something that somebody else does not want them to have

අරගළය –  සටන, පරිශ්‍රමය, ප්රෝත්සාහය, විශේෂයෙන්ම තමන්ට නොදෙන තමන්ට අයිති දෙයක්‌ ලබාගැනීමට කරන වෙහෙසකර උත්සාහය